Obxectivo
O obxectivo de Programar en Python é ensinar as bondades de Python. Python é unha linguaxe de programación que se caracteriza pola súa velocidade de programación e elegancia propia do seu código. Os que proban Python acostuman quedar enganchados.
No blogue irase vendo un titorial que pretende explica-la linguaxe dende o máis básico, sen precisar de coñecementos previos e intentando amosar dende o principio a maior cantidade de código posible. Ademais, de vez en cando sairán entradas externas ó titorial sobre a programación de temas avanzados ou a posible resolución a problemas cotiáns.
Autores
Xosé Otero
Son de Fene (A Coruña) e son un eterno estudiante de Informática. Cousas de xentiña é o meu outro blogue.
Son o desenvolvedor de Python Sudoku que como se pode supoñer polo nome é un programa para crear/resolver sudokus programado en python, a miña linguaxe de programación preferida. Non me matei moito co nome, certo.
Néstor García
Traballo dando mantemento nunha aula de acceso a internet e nos meus momentos libres estudo informática e fago traballiños coma desenvolvedor web.
¿Por qué me unín a este proxecto? Por unha razón moi simple, ¡Python!.
chuzame -